Mga All-time favorite gifts na nireregalo tuwing Christmas Season.

Christmas is fast approaching. Ready na ba ang mga gifts niyo for your loved ones? Eh yung regalo niyo para sa akin ready na rin ba? hehehe so speaking of gifts, yan ang paguusapan natin ngayon dito sa next entry ko.


Basta kapag pumasok na ang Ber-months, nagsisimula nang mataranta ang sangkatauhan para sa mga bagay na ireregalo nila sa mga kamag-anak, inaanak, at sa ka-monito monita pagsapit ng Christmas Party. Kanya kanya na tayong sugod sa mga tiangge or sa mga bazaar na nagtitinda ng mga murang panregalo. Syempre medyo may kahirapan din ang buhay sa panahon natin ngayon kaya gagawin natin ang lahat para makamura sa mga bibilhin nating regalo. Christmas is the season for giving and sharing kaya hindi na mahalaga yung presyo ng ibibigay natin, what's important eh yung paano natin ito pinaghirapan and the appreciation from the receiver.


So ito ang ang ilan sa mga all-time favorite gifts we give and we receive during the yuletide season.


Picture Frame

Picture Frame, ito ang madalas iregalo sa mga exchange gifts sa mga Christmas Party sa school, sa work etc. Bukod sa mura, marahil ay wala na silang maisip na iregalo sa pagbibigyan nila. So Photo frame na lang.. ang problema ng receiver ngayon, anong litrato ang ilalagay niya? eh di na masyadong uso ang printed pictures, puro upload na lang sa mga social media.


Photo Album

Isa rin itong patok na ipanregalo. Dahil maganda naman kasi magkeep ng mga memories through photos so patok talaga itong panregalo; kaso gaya nung sa photo frame, hindi na masyadong uso ang mga printed photographs dahil panay na lang tayo upload ng mga pictures sa mga social media gaya ng facebook, instagram, twitter etc.. Minsan, doon na rin tayo nagkakaroon ng instant photo album.


Mugs

Ito ang isa sa mga pinakapatok na pinanreregalo natin tuwing pasko, paano ba naman, isa rin ito sa pinaka mura sa mga tiangge, kahit sa divisoria makakakuha ka ng 3 for 100, magaganda pa ang design, so ito ang pinakamadaling bilhin and at the same time, kung mug collector ka, dagdag din yan sa mga collections mo, hayaan mo na kung mura.hehehe


Laruan/Toys

Laruan. Ito ang isa sa mga inaabangan ng mga chikiting tuwing sasapit ang pasko, kasi ito ang madalas na natatanggap nila sa kamonito monita nila sa eskewla, pati na rin sa mga ninong at ninang nila. Ito rin ang nireregalo ng mga doubtful ninongs at ninangs.. Bakit doubtful?hehehe kasi kung cash ang ibibigay nila, walang assurance na sa bata mapupunta yon, ang iba ay diretso sa bulsa ng mga magulang. Sorry for the negative thought pero minsan nangyayari talaga yan; so instead of giving cash sa mga inaanak nila, laruan na lang ang binibigay nila, atleast mas maeenjoy pa nila ang mga ito ng matagal tagal.


Planner

Isa ka ba sa nakatanggap nitong mahiwagang regalong ito?hehehe Nagamit mo naman ba? hehehe Kung ikaw yung tao na gusto mo ay well-organized sa time and schedules mo, maaappreciate mo itong planner na ibibigay sa iyo. Eh kung hindi, for sure, maaalikabukan lang yan sa bahay niyo, baka kahit point ng tinta ng ballpen mo hindi pa masulatan yan..hehehe


Towel

Bakit kaya paborito rin ang towel na iregalo tuwing Pasko? Wala ba silang pamunas pagtapos maligo? uy uy uy hwag ganun, isa yan sa iiwasan natin pag nagbibigay or tumatanggap ng regalo, yung magbigay kahulugan sa mga regalo lalo na kung negatibo ang kahulugan. Back to the topic, madalas kasi sa mga exchange gifts natin ay laging worth 100 or 150. So Towel ang pumapasok agad sa isip ng mga mamimili dahil may mga towel na 3 for 100 din, or may isang piraso na towel na maganda ang design, worth 100 din, di ka pa makuntento, papaburdahan mo pa ng pangalan ng pagbibigyan mo...oh di ba? how sweet..hehehe


Figurines

Ito ang regalong siguradong dadagdag sa mga display sa inyong mga tahanan. Tulad ng sa mug, kung ikaw ay isang figurine lover or collector, you will appreciate someone who will give this as a present sa iyo regardless of the price kesyo mahal or mura. Eh may mabibili ka nga niyan sa tiangge ng below 50 pesos eh. May mga mamahalin din nito kaya nasa sa iyo na yun kung mahal o mura, kung mura, damihan mo na lang..hahaha


Stuffed Toys

Oh, hindi lang patok tuwing Valentines Day, Monthsary at Anniversaries ng mga couples ang gift na ito. Paborito rin itong iregalo tuwing pasko especially kung ang makatatanggap nito ay bata o babae I'm sure na karamihan sa kanila ay love na love na makareceive ng ganyang klaseng gift galing sa loved ones, friends etc.


Cash

Nahihirapan ka ba magisip ng ireregalo for Christmas? Edi Perahin mo na lang, ilagay mo sa Ang Pao. Ito ang isa sa inaabangan tuwing Pasko, eh sa hirap naman kasi ng buhay sa ngayon, maaaring mas marami sa atin ang gusto ay maging praktikal kaya mas prefer nila ang cash rather than material na gifts. Inaabangan din yan ng mga bata lalo na yung malulutong na paper bills, sigurado makikipagpaligsahan pa yan sa mga kalaro niya ng paramihan ng malulutong na perang napamaskuhan regardless nung amount or value ng bawat bill.


Ayan ang ilan lamang sa mga all-time favorite nating mga Pilipino na iregalo tuwing sasapit ang kapaskuhan. Gaya ng nasabi sa bandang unahan ng post na ito, hindi naman mahalaga ang presyo ng bawat regalo na ibinibigay at natatanggap natin. Ang mahalaga, ay yung halaga o value nito and yung appreciation ng bibigyan natin.


At ang higit sa lahat, hindi lang sa malalaki o maliliit, mura o mamahalin na regalo dapat madama ang essence ng Christmas, syempre it is the day that we are celebrating Jesus Christ's birth; yun ang kahalagahan ng Yuletide Season. God Bless everyone and Advance Merry Christmas :)


Ang mga larawan sa entry na ito ay hindi ko po personal na pagmamay-ari, kaya gaya ng madalas kong sinasabi at Credits to the owners of the pictures used here, and no copyright infringement intended

Mga Pagkain na madalas nating nakikita sa mga Handaan.

Lahat naman siguro tayo ay nakaranas dumalo ng mga okasyon tulad ng Birthdays, Kasal, Binyag, Reunions at iba pa. Sa mga dinadaluhan nating mga okasyon, isa sa mga pinakaaabangan natin ay ang handaan. Tama ba? Karamihan sa mga okasyon ay halos parepareho lang ang handa, marahil kayo man ay napapansin ang mga bagay na iyon. Nagkakatalo na lang sa lasa na kung saan ay maikukumpara mo ang handa nila sa handa ninyo at sa handa pa ng iba.


Kaya ngayon samahan ninyo akong pangalanan ang ilan sa mga pagkain na madalas nating makita sa handaan, sabay sabay tayong magutom sa entry/post ko na ito ngunit huwag naman sanang maumay sa mga pagkaing kadalasan nating kinakain sa mga handaan.


1. Kanin

Hindi kumpleto ang handaan kung wala ang kanin, at hindi rin mas sasarap ang ulam kung walang kapares na kanin. Pero aminin ninyo, sa sobrang dami ng pagkain sa handaan at ang lahat ay gusto ninyong matikman, kaunti na lang ang kanin na kukuhanin mo or minsan hindi ka talaga kukuha ng kanin. Diet ka kuno ayaw mo ng carbs, pero kung makakuha ka naman ng ulam, ga-bundok sa dami..hehe biro lang.


2. Pansit/Pancit

Ito ang pinakapaboritong pasalubong sa pelikulang pilipino at mga palabas sa telebisyon, pero isa ito sa madalas mong makita at kainin sa mga handaan. Pinaniniwalaan din natin na hindi dapat ito nawawala sa handaan dahil sa pampahaba ng buhay effect daw ng nasabing pagkain. Maraming variety ang Pancit, may Bihon, Canton, Sotanghon, Pancit Malabon, Pancit Palabok at iba pa. Kapag masarap ang pagkakaluto ng pancit, hindi mo na masyadong mapapansin ang ibang hain sa mesa, kahit common ito sa handaan, isa ito sa madalas nating balik balikan.


3. Spaghetti

Isa rin sa pinaniniwalaang may pampahaba ng buhay effect ang Spaghetti, kaya naman laman din itong pagkain na ito sa karamihan ng mga handaan, pero mas madalas ay sa mga birthdays natin ito makikita lalo na sa children's party, alam niyo na, mas naaappreciate ng mga bata ang matatamis na pagkain. Pero marami na rin sa mga panahon ngayon ang variety ng spaghetti at mga pasta, may mga white sauce spaghetti na rin na tinatawag din Carbonara at marami pang iba na pasta dishes.


4. Fried Chicken

Ang pagkain na love na love ng all ages, bata, matanda may ngipin o wala. Naihahalintulad pa ito ng mga bata sa Chickenjoy ng Jollibee dahil fried chicken din naman iyon. Itong pagkain na to ang una nating nilalantakan kapag nasa handaan dahil sa sarap at sa lutong ng balat. Pwede pa sa kahit anong sawsawan gaya ng gravy, ketchup o kahit suka na may sili.


5. Menudo

Sa lahat ng mga pagkaing madalas nating makita sa handaan, marami sa inyo ang sasang-ayon na itong menudo na ito ang pinakamadalas nating makita sa handaan; hindi ko din maintindihan kung bakit nga ba laging menudo ang isa sa mga pagkaing napakadalas ihanda? Wala naman akong matandaang mga tradisyon na kailangan menudo ang hinahanda. Marahil masarap naman kasi ito at kahit sino ay mag-aagree na masarap naman talaga ito. At sa handaan, ito ang pinakamabilis maubos dahil sa paborito ng karamihan, at patok ding i-take out ng mga gustong magpabalot ng handa.


6. Chopsuey

Madalas din itong ihain sa mga handaan, pero ito yung isa sa pinakamatumal na galawin ng mga bisita. Aminin nating lahat, mas uunahin nating lahat ang mga potaheng mas dominant ang karne. Puro gulay kasi ang laman nitong pagkain na ito, iilan lang ang malalasahan mong karne dito plus yung itlog ng pugo sa ibang luto. Ngunit alam niyo ba na ang chopsuey ang may isa sa mga pinakamahal ang sahog na gulay? isa rin ito sa may pinaka masustansyang handa dahil puro nga gulay ang sangkap. Nauubos lang ito kapag ubos na ang ibang handa or kung napakasarap lalo ng pagkakaluto.


7. Litson/Lechon

Baboy man o Baka, ito ang isa Star ng handaan. Lahat ng bisita panigurado hindi ito palalampasin lalo na kung masarap din ang sarsa. Hanggat maaari hindi mo titigilan ang lutong ng balat at linamnam ng laman. Hinay hinay lang sa taba kasi bukod sa nakakaumay itong parte ng litson, siguradong highblood ang katapat mo kapag nasobrahan ka.


8. Lumpiang Shanghai

Mawawalan ba naman ng finger food sa handaan? Masarap ito lalo na kung kakahango lang sa lutuan. Ketchup lang ang katapat niyan at mainit na kain, solve na, makakailang rounds ka pa niyan.


Desserts

Matapos mong matikman lahat ng handang nakahain sa mesa, magpapahuli ka ba sa mga panghimagas? pati sa mga panghimagas may mga common din na nakikita sa handaan, well kahit anupaman yan isa sa mga purpose nyan ay pangontra ng umay. Ilan sa mga common desserts sa handaan ay Gelatin, Leche flan, Ice cream at salad. May pa-take out pa yan kapag nasarapan sila sa desserts, pwera lang siguro sa ice cream; alam niyo na, mabilis matunaw.


At dito na nagtatapos ang pagpapangalan natin sa mga pagkain na madalas nating makita at kainin sa mga handaan. Nagutom din ba kayo? Natakam din ba kayo? sana hindi naman kayo naumay..hahaha


Ang ibang larawan sa entry na ito ay hindi ko pagmamay-ari kaya po ulit, Credits to the owners of the pictures used here and no cpoyright infringement intended

Isa ka sa mga 90's Kids kung....

Kamusta ang lahat? Mabuhay! Ayan, eto ang kaunaunahang blog entry ko na naka-tagalog, ay, may english din pala kahit kaunti, so taglish na lang I guess, right? kasi naman, nauubusan na ako ng english words..haha joke lang, for a reason na I've made this entry in taglish form hindi para mas maraming makaunawa sa laman ng post ko, kundi para pareparehas tayong magkaintindihan.. hehehe tama ba?


Dito sa aking entry na ito, samahan niyo akong alalahanin ang mga bagay na pinagdaanan natin bilang batang 90's. Isa ka ba sa mga tulad namin? kung ganun, tara na at balikan natin ang lahat lahat tungkol sa ating kabataan. Gumawa akong shortlist ng ilan sa mga naexperience natin nung 90's kaya, happy reading na lang and sana after ninyong mabasa itong post ko ay may ngiti sa inyong mga labi matapos balikan ang mga bagay na ito.. so tara, simulan na natin to.


1. ID Beads

Ginawa mo rin ba ito nung elementary ka pa? Sigurado ako, isa ka sa nakipagpaligsahan sa mga kaklase mo sa paramihan ng beads na mailalagay sa sabitan ng id mo. Sa dami ng beads na naisuot mo sa sling ng ID mo, halos hindi mo na maisuot ito, or kung maiisuot mo pa ito, aabot na sa leeg mo ang dami ng beads na nasa id sling mo. The more, the merrier ika nga, kaya kung ikaw ang may pinakamaraming id beads, ikaw na alng panalo, at sikat ka sa classroom niyo. :)


2. Macarena Dance Craze

Isa pang kasiguruhan na kabilang ka sa henerasyon ng mga batang 90's ay sumayaw ka ng MACARENA. Nung mga panahong ding iyon, uso talaga itong sayaw na ito sa mga party,libreng sayawan sa barrio bago ang kasal kinabukasan, mga dance numbers, kahit sa loob at labas ng bahay, wala kang pakialam sa mga tao sa paligid mo, at kahit hindi mo naiintindihan ang lyrics ng kantang iyon, ang mahalaga, sumayaw ka ng macarena. Eh ngayon, kabisado mo pa ba yung dance step ng Macarena?


3. Ang TV Na!

Bago pa ang goin' bulilit, Ang TV muna ang umere sa telebisyon noong 90's. Isa rin itong kiddie oriented na gag show para sa mga 90's kids tulad natin. Siyempre, mga Artista na batang 90's din ang bumida sa palabas na iyon na ngayon ay grown up na at ang iba ay may anak na rin ngayon. Pagpatak ng alas kwatro y media or 4:30 pm, iisa lang ang sigaw ng madlang 90's kids, "4:30 na! Ang TV na!" sabay tugtog ng "doowadee dididi dum dibidoo..".


4. Magandang Gabi Bayan Halloween Special

Inaabangan mo ito tuwing sasapit ang undas, kahit alam mong hindi ka nito patutulugin pagsapit ng gabi..hahaha nakakatawang isipin, na ako man ay isa rin sa mga tinakot nitong palabas na to. magtatalukbong ka ng kumot o di kaya, magtatago sa ilalim ng lamesa kapag pinakita na ang mga black lady na nangangalampag ng pinto, mga lumulutang na kabaong, kapre, pati iba pang multo na nakikipag face-to-face pa sa harapan ng tv screen para lalo kang matakot. matapos mong mapanood ang halloween special ng MGB, madadagdagan pa ang listahan mo ng mga bagay na kitatatakutan mo kasama ng mga hayop at insektong kinatatakutan mo rin.


5. Pritos Ring

Oh, nangingiti ka na ba dyan sa kinauupuan mo? guilty ka kasi sa chichiryang ito. Kasya pa yan sa bawat daliri mo nung bata ka. Bawat daliri mo, sisiguruhin mong may pritos ring na nakalagay at saka mo kakainin isa isa..


6. Cartoons

Mawawala ba naman sa ating mga batang 90's ang pagkahumaling sa cartoons? Siyempre isa yan sa hindi natin palalagpasin pag nakatutok na sa tv, bago or pagkatapos gumawa ng assignment or bago pumasok sa school (kung morning slot ang cartoons). Bagamat sikat din nung mga panahon na iyon ang Voltes 5 at Daimos, nung mga 80's pa talaga unang nagsimula yun. Sikat din ang Dragon ball at Zenki nung mga panahong iyon pero mas nag focus tayo sa mga cartoons na iisa ang bida o di kaya naman, pangalan ng bida ang mismong nasa pamagat. Magpapahuli ka ba naman sa mga theme songs ng palabas tulad ng sa Heidi at Remy? madadala ka rin sa istorya ng mga royalties na sila Sarah ang munting Prinsesa at Cedie ang munting Prinsipe. Eh ang mga Pangarap ni Romeo at si Kaibigang Tom Sawyer naaalala mo pa ba? Maraming cartoons noong 90's pero ilan talaga yang sa mga sinubaybayan natin nung tayo ay mga bata pa.


7. Teks

"CHA!" "CHUB!", "AKIN!!"... Oh, naalala mo ba yan? Yan ang mga magic words sa larong teks. Malalaki pa ang teks noong 90's; mas malaki sa karaniwang teks na nakikita natin sa ngayon, pero mas maliit ng kaunti sa mga digimon cards. Pwede itong laruin ng dalawahan at may isa sa inyong magkalaban ang gagamit ng dalawang teks, ang isa ay pamato niya at ang isa naman ay "pananggulo"; pwede ring tatluhan para wala nang pananggulo at ang maganda doon, mas malaki ang kabig mo kung ikaw ang tumitira at pamato mo ang naiba (nag cha man or nag chub). Sa panahon ngayon, medyo nag-evolve na rin ang sistema sa paglalaro ng teks, may teks-apir, minsan ginagawa na ring sugal o teks-money na tinatawag.


8. Jolens

Isa pang laruang pambata na umusbong nung 90's.. Wala kang pakialam sa hirap ng paglalaba ng nanay mo sa damit mo dahil uuwi kang marumi o maputik ang damit pero di mo aalintanain yun basta makadapa ka at mai-shoot mo yung jolens mo sa ginawa mong butas sa lupa or matamaan ang jolens ng kalaban mo..


9. Piko at Chinese Garter

Piko at Chinese Garter.. Karaniwang larong pambabae, pero aminin, may mga batang lalaki na hindi rin nagpatalo sa mga larong ito. Sa Piko, kandirit dito, kandirit doon, and the quest begins sa agawan ng pwesto para sa kanya kanyang "Bahay". Sa Chinese Garter, bubuwelo ka ng pagkalayo at tatalunin mo kahit gaano kataas na ang garter. Nilaro mo rin ang 1 by 1 2 by 2 at ang 10-20-30-40.... Dito pumapasok ang rule na "Dead Mother, Dead All" na ibig sabihin, yung mother sa team siya ang pinakamagaling kaya sa kanya aasa ang the rest of the team, pero pwede namang malaro yung ibang kasali, pero kung di siya sigurado sa kakayahan niya, ipapasa niya sa mother yung buhay niya para tumagal sa laro.


10. Titanic at Godzilla

Hindi pa ganun katindi ang pagkahumaling sa mga pelikula ng mga batang 90's pero nang maipalabas sa mga sinehan ang dalawang naglalakihang pelikulang ito (Titanic at Godzilla), hindi ka nagpahuli sa mga kwentuhan sa klase at sa mga kalaro mo, kahit na di mo pa naappreciate yung love scene ni Jack at Rose, kasi kapag sinabing Titanic, yung paghati ng barko sa Ice Berg ang unang papasok sa isip mo. Pati na rin ang pagyanig ng buong mundo sa mga yabag ni Godzilla, tinutukan mo rin ang pagwasak niya ng mga kabahayan at gusali.


11. Power Rangers

Siguradong Batang 90's ka kung alam mo ang tv series na ito. Limang kulay, limang character, ginaya niyo yan sa laro niyo, may kanya kanya rin kayong kulay kesyo ako si blue ranger, ikaw si red ranger, siya naman si yellow ranger etc. at yung sosobra sa lima, sila na yung kalaban. Power Rangers fanatic ka ngang talaga kung alam mo yung names ng mga animals na nirerepresent ng bawat kulay.


12. At iba pa


Nilaro mo rin ang Legendary game na.....BAHAY BAHAYAN at LUTU-LUTUAN.. Kanya kanya kayo ng roles ng mga kalaro mo, may nanay, tatay at mga anak, kukuha pa kayo ng mga dahon sa halaman ng kapitbahay niyo para sa lutu-lutuan


Dinikdik niyo ang Bulaklak ng gumamela at hinalo sa sabon na may tubig para gawing palobo o yung bubbles.


Eto pa, Naniniwala kang dadami ang KISSES mo kapag nakalagay sa bulak at nakatago sa loob ng pencil case mo.


Ilan pa sa mga memories natin bilang 90's kids ang paglaro natin ng Mataya taya at Langit-lupa. Parehas itong mga habulan. sa Mataya taya kailangan mo lang tumaya ng isang kalaro at sila naman ang taya. Sa langit lupa naman, maghahabulan kayong lahat sa mas mababang sahig at magkakanya kanyang akyatan kayo sa mas mataas na patag at sisigaw ng "Langit!" para hindi ka na pag-initan ng taya. Sa parehas na laro pumapasok ang rule na "No-Balikbayan" oh ang privilege ng taya na, hindi na siya pwedeng tayain ng kalarong tinaya niya. Oh naalala mo na ba? Isa pang di mo malilimutan ay yung theme song or chant ng Langit Lupa..


Patok pa rin naman ang mga palarong pilipino na nilalaro natin nung 90's sa birthdays, fiesta at iba pa tulad ng Pukpok Palayok, Palo sebo at iba pa.


Oh, last batch na to..hehehe I'm sure, natikman mo ang MIKMIK milk and choco powder na tigpipiso. Natikman mo rin ang masarap na chichiryang Nano Nano at natuwa ka rin sa theme song ng Nano na chichirya.


Natuwa talaga akong gawin itong blog entry na ito kasi marami na rin akong nareceive na text at nabasa sa internet about reminiscing lots of memories bilang 90's kid. Sana kayo rin ay natuwa sa mga nabasa niyo ngayon habang inaalala ang lahat ng mga kasiyahan, kakulitan at katuwaan natin nung tayo ay mga bata pa. So Paano, hanggang dito na lang, until next time :)


PS. Hindi ko po pagmamay-ari ang mga larawan sa entry na ito kaya po Credits to the owners of the pictures and no copyright infringement intended.


feel free to leave your comments below or even share your own experiences bilang isa sa mga 90's kids. :)